Chye Rétty Isnéndés
Antara dua dayeuh, aya kidang kasamaran
luluncatan tina areuy ka areuy, tina rungkun
ka rungkun, sabab ka leuweung gedong geledegan
~ Di mana padumukan awaking?
Antara dua dayeuh, aya kidang juuh cimata
kasarung inyana kasarung ngaliwung
kalémpohan ka panonoban manusa
~ Ka mana awaking lunta?
Antara dua dayeuh, kidang kalimpudan
deudeuh, lantaran hirup mah geuning
pinuh ku pangréka
~ Awaking kebat ku sandékala!
Bandung, 30 Séptémber 1998
0 comments:
Posting Komentar